Қазақстан Республикасы Денсаулық сақтау министрлігінің «Жіті бақыланатын мамандандырылған үлгідегі республикалық психиатриялық аурухана» мемлекеттік мекемесі есі дұрыс емес жағдайда қоғамдық қауіпті әрекеттерді жасаған немесе қылмыс жасағаннан кейін психикасы жазаны тағайындау немесе орындау мүмкін емес болып бұзылған тұлғаларды мәжбүрлеп емдеуді жүзеге асыратын Қазақстандағы жалғыз және ең ірі психиатриялық аурухана болып табылады. Мекемеде мәжбүрлеп емдеу сот шешімі негізінде өзінің психикалық жай-күйі мен жасаған қоғамдық қауіпті әрекетінің сипаты бойынша тұрақты және интенсивті қадағалауды талап ететін науқастарға тағайындалады.